Áhrif skuggastjórnenda á afrísk stríðsátök og endurreisn samfélaga

Opinn fundur á vegum Höfða friðarseturs og Afríku 20:20 mánudaginn 19. mars frá kl. 16 til 17 í stofu VHV-008 í Veröld - húsi Vigdísar, Háskóla Íslands.

Í kjölfar stríðsátaka í Afríku leggur alþjóðasamfélagið fram áætlanir um endurreisn samfélagsins og gerir kröfur um stuðning stjórnvalda við þær. Afrísk efnahagskerfi og stjórnkerfi eru þó gjarnan óformleg og einstaklingar, þar á meðal svokallaðir Big Men, nýta sér oft áhrif sín til að ná sínu fram innan stjórnkerfisins, sér og sínum til framdráttar.

Á þessum fundi mun Mats Utas fjalla um áhrif skuggastjórnenda og tengslanets þeirra á uppbyggingu og stjórnun ríkja á tímum stríðsátaka og enduruppbyggingar. Mats mun í erindi sínu koma með dæmi úr sínum eigin rannsóknum í Líberíu og Síera Leóne en einnig frá Malí, Nígeríu og Sómalíu.

Mats Utas er dósent í menningarlegri mannfræði við Háskólann í Uppsala. Utas hefur skrifað fjölda bóka og greina um átök, aðallega í Vestur-Afríku. Utas hefur stundað rannsóknir í Líberíu, Síera Leóne, á Fílabeinsströndinni og í Sómalíu.

Fundarstjóri: Geir Gunnlaugsson, formaður Afríku 20:20 og prófessor í hnattrænni heilsu.

Fundurinn fer fram á ensku og er opinn öllum.