Alþjóðleg ráðstefna

10. október kl. 10:00-17:00 í Veröld - húsi Vigdísar, Háskóla Íslands

Þær flóknu áskoranir sem blasa við heiminum í dag kalla á djarfar hugmyndir og nýjar nálganir.  Þessi alheimsvandamál verða ekki leyst án aðkomu ungs fólks. Höfði friðarsetur vill því með ráðstefnu sinni leggja áherslu á þau jákvæðu áhrif sem ungt fólk getur haft á samfélag sitt og leiða saman ólíkar kynslóðir til þess að ræða þær áskoranir sem blasa við í heiminum í dag og finna skapandi lausnir og leiðir til þess að takast á við þær.

Aðalræðumenn ráðstefnunnar eru Tawakkol Karman, Unni Krishnan Karunakara og Faten Mahdi Al-Hussaini.

Tawakkol Karman er handhafi friðarverðlauna Nóbels árið 2011og blaðamaður frá Jemen.  Hún hefur beitt sér bæði fyrir tjáningarfrelsi, bættri stöðu kvenna og stofnað svokölluð ,,Samtök kvenna án hlekkja” sem eru öflugt baráttuafl í Jemen. Unni Krishnan Karunakara er fræðimaður við Jackson Institute for Global Affairs við Yale háskóla og fyrrum forseti samtakanna Læknar án landamæra. Hann hefur meðal annars unnið í Eþíópíu, Azerbaijan, Bangladesh og Kongó auk þess að hafa sinnt rannsóknum og kennt í fjölmörgum háskólum víða um heim. Faten Mahdi Al-Hussaini er baráttukona gegn öfgum og ofstæki og stofnandi JustUnity í Noregi. Hún er talskona NRK gegn hatursorðræðu.  

Meðal annarra þátttakenda eru Emi Mahmoud, ljóðskáld og aktivisti, Deqo Mohamed, læknir frá Sómalíu sem hefur barist fyrir og aðstoðað flóttamenn víða um heim, Achaleke Christian Leke, sem hlotið hefur viðurkenningu breska samveldisins fyrir framlag sitt til friðar og baráttu við ofbeldisfulla öfgahópa í Kamerún, Georgina Campbell Flatter, framkvæmdastjóri þróunar- og frumkvöðlastofnunar MIT og Élise Féron, fræðimaður við Tampere Peace Research Institute í Finnlandi.

Hér má sjá dagskrá ráðstefnunnar

Skráning fer fram hér: