Áhrif samfélagslegrar nýsköpunar á íslenskt samfélag

Samfélagsleg nýsköpun – krafa nýrrar kynslóðar?
Ragna Sara Jonsdottir fjallar um mikilvægi þess að horfa til samfélags- og umhverfisþátta í nýsköpun í dag. Hvernig hefur hugtakið samfélagsleg nýsköpun þróast á undanförnum árum og hver er staðan í löndunum í kringum okkur? Ragna Sara hefur starfað með einum eða öðrum hætti við sjálfbærni, samfélagsábyrgð, jafnréttis- og umhverfismál frá árinu 2008 bæði við ráðgjöf, kennslu, innleiðingu og stjórnun, meðal annars fyrir Sameinuðu þjóðirnar (UNDP), utanríkisráðuneytið, Landsvirkjun og UN Women.

Samfélagslegur ávinningur af verkfræði
Rúnar Unnþórsson fjallar um þátt verkfræðinnar í mótun nútíma samfélags, hlutverk verkfræðinnar í samfélagslegri nýsköpun og hvernig áherslur á samfélagsábyrgð hafa þróast innan verkfræðinnar. Rúnar er prófessor í iðnaðarverkfræði við Háskóla Íslands og hefur tekið þátt í fjölmörgum samfélagslegum nýsköpunarverkefnum, til að mynda á sviði umhverfisverndar og heilbrigðisvísinda.

Fundarstjóri: Hrund Gunnsteinsdóttir, þróunarfræðingur og stjórnarformaður Tækniþróunarsjóðs.

Er til umhverfisvæn lausn sem getur komið í stað plastflöskunnar? Hvernig er aðgengi fyrir hreyfihamlaða á veitingastöðum landsins? Geta ungir strákar lært að skilja betur eigin tilfinningar?

Örkynningar á áhugaverðum samfélagsverkefnum sem sýna glöggt fjölbreytt litróf samfélagslegrar nýsköpunar hér á landi.

Kynning á Snjallræði, nýjum viðskiptahraðli fyrir frumkvöðla sem vilja virkja hugsjónir sínar til að leysa úr samfélagslegum áskorunum. Opið er fyrir umsóknir í hraðalinn sem hefst í haust – 10/10 2018 - www.snjallraedi.is.

Umsóknarfrestur er til 10. september nk.

Ekki láta þennan viðburð framhjá ykkur fara!

Fundurinn fer fram á íslensku og er öllum opinn.